الام بيضاء والاب ابيض والابناء سود..!!!..واقعيه

طبعا هادي قصه حقيقيه يوم قريتها في الجريده..

طبعا اول شي حتفكرو فيه انو خانت زوجها مع واحد اسمر وانتهت القصه..!!صح


لالالالالالا القصه مو كدا ابدددددددا..



القصه ومافيها انو كانت في وحده حامل ومتزوجه طبعا المهم يوم جات تولد كان زوجها مسافر..(شغلو دايما يستدعي السفر)



وولدت والا تشوف الولد الي جابته اسود طبعا هيا خافت انو زوجها يشك فيها المهم قالت للمستشفى انا ما بغاه ارموه موتوه اي شي بس مابغاه طبعا المستشفى مارضت المهم قامت اخدت الولد وحطته عند مسجد وسابته وقالت لزوجها انو الطفل مات...



بعد فتره حملت ونفس الحكايه الي قبلها جابت طفل اسمر وماتبغاه ورمته مدري فين... وبرضو قالت لزوجها انو مات..



المره التالته حملت ولمن جات تولد زوجها وقف معاها في الغرفه وهي تولد يبغا يشوف بعينه ايش الي بيسير..

المهم ولدت وزوجها شاف الطفل سليم ومافيه شي بس زوجته سارت تستهبل تسوي نفسها ماتدري جالسه تقول واااااااا ايش دااااا كيف كدااا الولد اسوود مو معقول ومدري ايش...


طا لع الرجال في زوجته قلها انا امي سوده....!!!

انا اشوف انو غباء من حرمه مهي واثقه في نفسها...ياويلها من الله ترمي عيالها....